Moskvada Guram Tashkentskiy laqabli “qonundagi o‘g‘ri” qo‘lga olindi

Rossiya Ichki ishlar vazirligi xodimlari Moskvada asli o‘zbekistonlik 39 yoshli “qonundagi o‘g‘ri” Gursel Sayfulovni qo‘lga oldi, deb xabar bermoqda “Rosbalt.ru”.

Rossiya IIV matbuot markazi xabariga ko‘ra, u jinoyatchilik olamida Guram Tashkentskiy laqabi bilan mashhur bo‘lgan. Tintuv vaqtida uning yonidan 1,2 kilogramm miqdoridagi narkotik modda solingan paket topilgan.

Ushbu holat yuzasidan jinoyat ishi qo‘zg‘atilgan. Qo‘lga olingan shaxsning boshqa jinoyatlarga aloqadorligini tekshirish yuzasidan ishlar olib borilmoqda.