O‘zbekistonlik Qur’on xofizlari diniy va dunyoviy fanlarda dunyo afkor ommasi e’tiborida bo‘lib kelgan ajdodlari izidan borib, ulkan marralarni qo‘lga kiritmoqda, deb xabar beradi O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitasi.
“Har yili turli xorij davlatlarida Qur’oni karim tilovati bo‘yicha o‘tkaziladigan musobaqalarda hamyurtlarimiz yetakchi o‘rinlarni egallab kelmoqdalar.
Har yili Ramazon oyidagi diniy marosimlarni o‘tkazib berish maqsadida turli xorijiy davlatlardan qorilar so‘rab murojaatlar kelishi an’anaga aylanib qoldi. O‘tgan yillar davomida Amerika Qo‘shma Shtatlari, Rossiya Federatsiyasi hamda Ukraina davlatlari so‘roviga binoan qorilarimiz ushbu davlatlarda bo‘lib, xatmi Qur’on va Ramazon oyidagi diniy marosimlarni o‘tkazishda yordam ko‘rsatdilar.
Bu yil ham AQSh va Rossiya davlatlaridan murojaatlar bo‘lib, AQShga O‘zbekiston musulmonlari idorasi xodimi Farrux Xudoyberdiyev, Rossiyaga Din ishlari bo‘yicha qo‘mita xodimi Mirodil Haydarov yuborildilar.
Hozirda qorilarimiz yuqorida ko‘rsatilgan davlatlarda diniy marosimlarni o‘tkazishda ko‘mak bermoqdalar”, — deyiladi Din ishlari bo‘yicha qo‘mita sayti bergan xabarda.
Izoh (0)