BMT bosh kotibi Misr hukumatini o‘lim jazosiga moratoriy qo‘yishga chaqirdi

BMT bosh kotibi Pan Gi Mun Misr hukumatini o‘lim jazosiga moratoriy joriy qilishga chaqirib, oliy jazo qo‘llanilishi mamlakatdagi barqarorlikka salbiy ta’sir qilishi mumkinligini ma’lum qildi, deb xabar bermoqda “Vedomosti”.

“Bosh kotib Misr hukumatini Fuqarolik va siyosiy huquqlar to‘g‘risidagi xalqaro paktning Ikkinchi protokolini ratifikatsiya qilishga va o‘lim jazosiga moratoriy qo‘yishga chaqiradi. BMT har qanday sharoitda ham o‘lim jazosi qo‘llanilishiga qarshi chiqadi”, — deyiladi bayonotda.

Eslatib o‘tamiz, Jinoyat ishlari bo‘yicha Qohira sudi Misrning sobiq prezidenti Muhammad Mursiy va “Musulmon birodarlar” harakatining ikki yetakchisi o‘lim jazosiga mahkum qilingani bo‘yicha yakuniy qaror chiqargan edi.