21-aprel kuni Buyuk Britaniya qirolichasi Yelizaveta Ikkinchi 89 yoshini oilasi davrasida nishonladi, deya xabar bermoqda “RIA Novosti”. Londonda uning sharafiga artilleriya salyuti otildi.
Qirolicha bu kunni o‘zining asosiy qarorgohi — Vindzor qasrida o‘tkazib, hech qanday rasmiy marosimlarni rejalashtirmadi.
Qirolicha sharafiga Qirollik kavaleriya eskadroni Bukingem saroyi yonidan parad bilan o‘tib, Gayd-parkda zambarakdan o‘q uchirdi.
Qirollik artilleriyasi orkestri salyutdan oldin bayramona musiqiy kompozitsiyalarni ijro etdi. Shu bilan tantananing rasmiy qismi tugadi. Yelizaveta Ikkinchining tug‘ilgan kuniga bag‘ishlangan asosiy tantanalar, an’anaga muvofiq, iyun oyida bo‘lib o‘tadi.
Izoh (0)