“Barselona” YeChL chorak finali javob o‘yinida ham “PSJ”dan ustun keldi

Yevropa Chempionlar ligasida yarim finalning ikki ishtirokchisi ma’lum bo‘ldi. Qit’aning eng nufuzli klublar musobaqasi chempionligi uchun asosiy da’vogar sifatida qaralayotgan “Barselona” klubi bu safar ham “Pari-Sen-Jermen” jamoasini ikki to‘p farqi bilan mag‘lub etdi, deb xabar bermoqda “Olamsport”.

Birgina farqi bu safar kataloniyaliklar o‘z darvozalari daxlsizligini saqlab qolishdi. Braziliyalik Neymar har ikki golga mualliflik qilib, jamoasining yarim finalga chiqishiga yordam berdi.

“Barselona” – “PSJ” 2:0 (Birinchi o‘yin – 3:1)

Gollar: Neymar, 14, 34

“Barselona”: ter Shtegen, Pike, Maskerano, Alba, Dani Alves, Buskets (Serxi Roberto, 55), Rakitich, Inyesta (Xavi, 46), Suares (Pedro, 75), Messi, Neymar

“PSJ”: Sirigu, Markinos, Maksvell, van der Vil, David Luis, Kabaye (Lukas, 66), Matuidi (Rabio, 80), Verratti, Pastore, Kavani (Lavessi, 80), Ibragimovich

Ogohlantirish: David Luis