Gulsanam Mamazoitova “Daryo”ning ayol ijodkorlarini bayram bilan tabrikladi
O‘zbekiston Xalq artisti Gulsanam Mamazoitova barcha ayollarni hamda “Daryo” nashrining ayol ijodkorlarini 8-mart − Xalqaro xotin-qizlar bayrami bilan tabrikladi.
“Go‘zallik , vafo va muhabbat ramzi bo‘lgan, o‘zining mehribonligi, qalb saxovati bilan oilani totuv qiladigan , farzandlarimizni o‘z ona yurtiga sevgi va sadoqat tuyg‘usini singdiradigan ham ayollarimizdir. Faxr va iftixor bilan, ayollarimiz ijtimoiy, iqtisodiy, siyosiy, ma’naviy–ma’rifiy jabhalarda erkaklar bilan teng faoliyat ko‘rsatib, yurt tinchligi, farovonligi va ravnaqi yo‘lida o‘z hissallarini qo‘shmoqdalar, desam mubolag‘a bo‘lmaydi.
8-mart Xotin-qizlar bayrami bilan barcha nuroniy onaxonlarimizni, opa–singillarimizni samimiy tabriklayman. Ayollarimiz tinch va farovon yurtda, sadoqatli umr yo‘ldoshlari bilan birga, barkamol farzandlar qurshovida farog‘atli hayot kechirishlarini tilayman. Shu bilan birga barchamiz uchun sevimli bo‘lgan ‘Daryo’ nashri ayol ijodkorlarini va ularni oila a’zolarini bugungi bayram bilan qutlayman. Bayramingiz muborak bo‘lsin aziz ayollar”, − deyiladi maktubda.
