AQSh savdo vakolatxonasi yana Rossiyani intellektual mulk huquqi faol ravishda buziladigan mamlakatlar ro‘yxatiga kiritdi, deya xabar bermoqda “Vedomosti”. “301-ro‘yxat” deb nomlanuvchi ushbu hujjatda Rossiya Xitoy, Hindiston, Indoneziya, Tailand, Vyetnam va Chili bilan birga birinchi pog‘onalarni egalladi.
Hujjatda ta’kidlanishicha, Rossiya Jahon savdo tashkilotiga a’zo bo‘lib, mualliflar huquqlarini himoya qilish majburiyatini olgan bo‘lsa-da, bu mamlakatda onlayn-qaroqchilik jiddiy muammoligicha qolmoqda.
AQSh savdo vakolatxonasi o‘z ro‘yxatiga “VKontakte” va “Odnoklassniki” ijtimoiy tarmoqlarini ham kiritdi. Ta’kidlanishicha, ularda litsenziyaga ega bo‘lmagan qo‘shiq, film va seriallarni tarqatishga ruxsat berib qo‘yilgan.
Izoh (0)