Ukraina Minsk kelishuvlariga so‘zsiz rioya qilinishi kerakligi tarafdori. Bu haqda 3-fevral kuni Ukraina prezidenti Pyotr Poroshenko Xarkov viloyatiga xizmat tashrifi chog‘ida aytib o‘tdi, deb yozadi “Korrespondent.net”.
Prezident so‘zlariga ko‘ra, Ukrainadagi vaziyatni tartibga solish bo‘yicha uch tomonlama aloqa guruhi Minsk kelishuvlarining bajarilishiga erishish bo‘yicha aniq grafikni belgilagan. Ushbu tadbirlar o‘t ochilishini to‘xtatish bilan boshlanishi kerak.
Uning qo‘shimcha qilishicha, hozirda Ukraina harbiylari ixtiyoriga qayta tiklangan va ta’mirdan chiqarilgan harbiy texnika kelib tushgan, bu armiyaning jangovarlik qobiliyatini oshirishga xizmat qiladi.
Poroshenkoning ishonch bildirishicha, zarur bo‘lib qolsa, AQSh Ukrainaga qurol-yarog‘ yetkazib beradi. Bundan tashqari, u aksilterrorchilik operatsiyasining yaralangan ishtirokchilarini evakuatsiya qilish uchun zarur texnik vositalar soni va sifatini ham oshirish kerakligini ta’kidladi.
Izoh (0)