AQShda federal hukumat va Alyaska shtati rahbariyati o‘rtasida jiddiy nizo yuzaga keldi, deya xabar bermoqda “TASS”. Bunga AQSh ma’muriyatining Arktikadagi Amerika qo‘riqxona yerlarini qo‘riqlashni kuchaytirish maqsadida u yerga avtotransportlar kirishini cheklash hamda ushbu tumanda yangi yo‘llar qurilishi va geologik qidiruv ishlari o‘tkazilishini taqiqlash niyati sabab bo‘ldi.
Federal hukumat tomonidan qabul qilingan qarorni tushuntirar ekan, prezident Barak Obama bunday tadbirlar Amerika tabiatining teginilmagan ushbu burchagini “keyingi avlod uchun asrash” imkonini berishini aytdi.
Biroq hukumat e’loni Alyaska gubernatori Bill Uoker va ushbu shtatning AQSh Kongressidagi qonun chiqaruvchilari tomonidan yomon qarshi olindi. Ularning fikricha, ushbu holat o‘z lavozimini suiiste’mol qilish bilan birgalikda Alyaska hukumatini o‘z o‘lkasida energiya manbalari qazib olish imkoniyatidan mahrum qilishga urinishdir.
Ma’muriyat tomonidan ilgari surilgan ushbu tashabbus hali Kongress tomonidan ma’qullanishi kerak.
Izoh (0)