9to5Mac portali Apple butunlay yangi dizayn, kattatoq rezolyutsiyaga ega ekran va yana boshqa ko‘plab yangiliklardan iborat 12 dyuymli MacBook Air’ni taqdim etishi haqida ma’lum qildi.
Maqola rasmiy ma’lumotlarga tayanmagan, biroq unga Kupertinodagi insayderlar bilan aloqalari borligi bo‘yicha taniqli Mark Gurman mualliflik qildi.
Uning yozishicha, yangi 12 dyuymli noutbuk 13 dyuymli modeldan ingichkaroq, 11 dyuymlisidan esa ensizroq bo‘ladi. Shu bilan birga, uning balandligi ham oshadi.
Klaviatura formati o‘zgarib, u noutbukning butun kengligi bo‘yicha joylashadi. Shuningdek, klavishlar orasidagi masofalar ham qisqartirildi.
Bundan tashqari, yangi MacBook Air’da to‘liq hajmli USB bo‘lmaydi, uning o‘rniga USB Type-C qo‘llaniladi.
12 dyuymli MacBook Air 2015-yil o‘rtalarida, OS X’ning yangi versiyasi taqdimoti bilan bir vaqtda namoyish etilishi kutilmoqda.
Izoh (0)