Yaponiyada Yangi yilni nishonlash vaqtida guruchli non tiqilib qolishi tufayli 9 kishi vafot etdi

Yaponiyada Yangi yil bayramini nishonlash vaqtida kamida 9 kishi guruchli non tiqilib qolishi tufaylivafot etdi, deb xabar qilmoqda “News.bigmir.net”. Moti deya nomlanuvchi ushbu guruchli non yapon oshxonasining an’anaviy taomi hisoblanadi va Yangi yil bayramlarida katta talabga ega bo‘ladi.

Mahalliy matbuotda keltirilishicha, hukumat odamlarga nonlarni kichik bo‘laklarga ajratib, so‘ngra yaxshilab chaynashni tavsiya qilmoqda. Chunki, ular tomoqda tiqilib qolib, nafas yo‘llarini yopib qo‘yishi mumkin.

Yaponiyaning Yomiuri gazetasida keltirilishicha, mahalliy kasalxonalarga nondan tiqilgan 128 kishi keltirilgan va ularning 9 nafari vafot etgan. Ta’kidlash joizki, Yaponiyada moti noni sababli yuzaga kelgan baxtsiz hodisalar kamyob holat emas. Har yili guruchli non iste’moli tufayli bir necha kishi halok bo‘ladi va ularning aksariyatini keksalar tashkil qiladi.