O‘zbekiston va boshqa mamlakatlarda iPhone 6 smartfonining puliga necha litr sut xarid qilish mumkinligi bilan tanishing

Mashhur Аргументы и факты gazetasi dunyoning turli mamlakatlarida 16 Gb xotirali iPhone 6 smartfoni necha puldan sotilayotgani va uning puliga mahalliy narx bilan necha litr sut xarid qilish mumkinligi haqida qiziqarli infografikani e’lon qildi. Bu haqda “Parol” nashri xabar berdi.

Undan ko‘rish mumkinki Yevropa davlatlarida 16 Gb xotirali iPhone 6 smartfoni o‘rtacha 700 yevrodan sotilmoqda. Eng arzon iPhone 6 smartfonini AQSh va Yaponiyadan xarid qilish mumkin. Inforgrafikadagi eng qimmat iPhone 6 smartfoni esa Braziliyada sotilmoqda.

Shu bilan birga Kanadada iPhone 6 smartfonining puliga eng kam — 277 litr sut xarid qilish mumkin bo‘lsa, Turkiyada iPhone 6’ning o‘rniga eng ko‘p — 1174 litr sut sotib olish mumkin.

Mobinfo.uz saytining ma’lumotiga ko‘ra O‘zbekistonda 16 Gb xotirali iPhone 6 smartfonini o‘rtacha 2,5 million so‘mdan xarid qilsa bo‘ladi. Korzinka.uz’da esa 2 foiz yog‘li sut taxminan 4000 so‘mdan sotilmoqda. Bundan ko‘rinadiki, O‘zbekistonda sotilayotgan iPhone 6 smartfonining puliga Korzinka.uz’dan 625 litr sut xarid qilish mumkin.

Shuningdek, “Parol” nashrida quyidagi maqolalarni ham o‘qishingiz mumkin:

• Ko‘pchilik sensorli tugmalardan ko‘ra, barmoq bilan sezish mumkin bo‘lgan tugmalarini ma’qul ko‘rishi aniqlandi;
• Samsung harakat imkoniyati cheklanganlar uchun “ko‘z sichqonchasi”ni ishlab chiqardi.