Yaqinda bo‘lib o‘tgan Chrome developerlari yig‘ilishida Google xodimi Darin Fisher bugungi kunda Google Chrome brauzerining mobil versiyasidan 400 million nafar kishi foydalanayotganini e’lon qildi. Bu haqda Phonearena.com xabar berdi, deb yozadi “Parol” nashri.
Joriy yilning iyun oyida bo‘lib o‘tgan Google I/O konferensiyasida Chrome brauzerining mobil versiyasidan 300 million nafar kishi foydalanayotgani xabar qilingan edi. Oradan taxminan olti oy o‘tib bu ko‘rsatkich 100 millionga oshganini ko‘rish mumkin.
Ta’kidlab o‘tish joiz, smartfonlar uchun mo‘ljallangan yana bir ommabop mobil brauzer — Opera’dan hozirda 100 million nafar kishi foydalanmoqda.
