Janubiy Koreyaning Incheon shahrida davom etayotgan 17-Osiyo o‘yinlarining ayollar jamoalari o‘rtasidagi regbi musobaqasida O‘zbekiston va Tailand terma jamoalari 5-8-o‘rinlar uchun maydonga tushdi. O‘yin 0:33 hisobidagi O‘zbekiston mag‘lubiyati bilan yakunlandi. Bu haqda “Olamsport” xabar bermoqda.

Uchrashuv to‘laligicha tailandlik regbichi qizlar ustunligida o‘tdi va hisob ham shunga monand bo‘ldi: O‘zbekiston — Tailand: 0:33.

“Kun”ning xabar berishicha, bungacha regbi bo‘yicha O‘zbekiston ayollar terma jamoasi “A” saralash guruhi doirasidagi bahslarda Yaponiyaga 0:46, Xitoyga 0:29, Singapurga 0:22 hisobida imkoniyatni boy bergan; musobaqa mezboni hisoblangan Janubiy Koreya termasi ustidan esa 10:07 hisobida g‘alaba qozongan edi.

O‘zbekiston terma jamoasi tarkibi: Mariya Dudenko, Olga Glukxovkina, Azizaxon Burxanova, Umida Saribayeva, Yuliya Ignatenko, Anna Asfandiyarova, Arina Klimashina, Dinara Kadirova, Sevara Kuchmuradova, Lyudmila Molodtsova, Anna Pavlova, Gulasalxon Jo‘rayeva.

Bosh murabbiy: Oleg Galkin.