Bosh vazir Arseniy Yatsenyuk Yevropa ittifoqi, AQSh va dunyoning boshqa mamlakatlari yetakchilarini Rossiya Federatsiyasiga qarshi kiritilgan sanksiyaviy cheklovlarni bekor qilmaslikka chaqirdi.
Bu haqda u BMT Bosh assambleyasining Nyu-Yorkdagi yalpi majlisida so‘zlagan nutqida aytib o‘tdi, deb yozadi “Yevropeyskaya pravda” nashri.
“Sanksiyalar haqiqiy muzokaralarni boshlash uchun real yo‘ldir”, — dedi bosh vazir.
“Janob Putin, siz armiyaga qarshi jangda g‘olib chiqishingiz mumkin, biroq xalqqa, birlashgan ukrain xalqiga qarshi jangda hech qachon g‘olib bo‘la olmaysiz!” — deya ta’kidladi u.
Yatsenyukning aytishicha, Rossiya Qrim anneksiyasidan voz kechsagina, sanksiyalarni bekor qilish maqsadga muvofiq bo‘ladi.
“Sheriklarimizni Ukraina Sharqdan boshlab Qrimgacha bo‘lgan hududi ustidan nazoratni o‘z qo‘liga qaytarib olmagunicha sanksiyalarni bekor qilmaslikka da’vat etamiz”, — deya bosh vazir nutqidan iqtibos keltiradi nashr.
Izoh (0)