Yevroittifoq sanksiyaga uchragan rossiyaliklar ro‘yxatini e’lon qildi

Yevropa Ittifoqi yana sakkiz kishi va uchta kompaniyaga nisbatan sanksiyalar tarqatdi. Yangilangan sanksiya ro‘yxati YeI Rasmiy jurnalida e’lon qilindi, deya xabar berdi Newsru.com.

Sanksiyalar Rossiya Federatsiyasi prezidenti ma’muriyati rahbarining o‘rinbosari Aleksey Gromov, biznesmenlar Arkadiy Rotenberg, Yuriy Kovalchuk, Nikolay Shamalov va Konstantin Malofeyevga nisbatan qo‘llanildi.

Ro‘yxatga ukrainalik ayirmachilar rahbariyati vakillari ham kiritildi. Xususan, “Donetsk xalq respublikasi” Oliy kengashi raisi Boris Litvinov va “Lugansk xalq respublikasi” hukumati matbuot kotibi Oksana Chigrina sanksiyalarga uchradi.

Shuningdek, Qrim ichki ishlar vaziri Sergey Abisov ham ro‘yxatdan o‘rin oldi.

Sanksiyalar Rossiya xalq tijorat banki, “Almaz-Antey” zavodi va Qrimga arzon reyslar tashkil qiluvchi “Dobrolyot” aviakompaniyasiga nisbatan ham joriy qilindi.

Shu tariqa, sansiyaga uchraganlar ro‘yxatidan jami 95 nafar jismoniy shaxs va 23 ta korxona o‘rin oldi.