O‘zbekistonlik yarim himoyachi Odil Ahmedov bugun, 9-iyun kuni Yevropa ligasiga yo‘llanma olgan “Krasnodar” klubi bilan shartnoma tuzishi mumkin, deb yozadi Championat.asia.
“Anji” klubi Rossiya premyer-ligasini tark etganidan so‘ng Ahmedovning boshqa klubga o‘tishi haqida xabarlar tarqalgan edi. Xususan, uning BAA klublaridan biriga yoki Moskvaning SSKA klubiga o‘tishi haqida ma’lum qilingan edi.
Ma’lumot uchun: O‘zbekistonning ikki karra eng yaxshi futbolchisi bo‘lgan Ahmedov 2011-yildan “Anji” sharafini himoya qilib keldi. 2013-yili u klub safida Rossiya chempionati bronza medali sohibi va Rossiya kubogi finalchisi bo‘ldi.
Izoh (0)