BMT bosh kotibi Pan Gi Mun 5-may, dushanba kuni Abu Dabiga qilgan tashrifi chog‘ida Ukrainadagi inqirozni muvofiqlashtirishda vositachi sifatida qatnashishga tayyorligini bildirdi. Bu haqda Agence France-Presse agentligi xabariga asoslanib “RIA Novosti” ma’lumot berdi.

“Inqirozni tinchlik yo‘li bilan bartaraf etish kerak. Agar zarurat tug‘ilsa, men bunda ishtirok etishga tayyorman”, — deydi Pan Gi Mun AFP agentligiga bergan intervyusida.

Eslatib o‘tamiz, 2014-yilning fevral oyi oxirlarida Ukrainaning janubi-sharqiy hududlarida hukumatga qarshi qaratilgan ommaviy chiqishlar boshlandi. Bu chiqishlar mahalliy fuqarolar tomonidan mamlakatda hukumatning majburiy o‘zgarishi va buning oqibatida Yuqori rada tomonidan rus tilidan mahalliy til maqomi olib tashlanishiga urinishga javob tariqasida amalga oshirildi. Hukumat bilan namoyishchilar o‘rtasidagi to‘qnashuvlar markazi Kiyevdagi Donbass ma’muriy hududi bo‘ldi.