“Tiyinli millioner” laqabi bilan mashhur bo‘lgan novosibirsklik pensioner Yuriy Babin “RIA Novosti”ga ma’lum qilishicha, u Rossiya prezidenti Vladimir Putinning sobiq xotiniga uylanish taklifini qilmoqchi.
“Men 2008-yildan buyon yolg‘izman va Lyudmila Aleksandrovna Putinaga uylanmoqchiman. Bunga ikki oydan beri jazm qila olmay yuruvdim, biroq kecha Putinning o‘zi menga yo‘l ko‘rsatdi”, — dedi u va Putin bilan tengdosh ekanini ham qistirib o‘tdi.
Babin Lyudmila Putinaga turmush qurish taklifini OAV orqali amalga oshirishini bildirdi.
17-aprel, payshanba kuni Rossiya prezidenti bilan o‘tkazilgan to‘g‘ridan-to‘g‘ri muloqot chog‘ida unga mamlakatning “birinchi xonimi”ni qachon tanishtirishi haqida savol kelib tushdi. “Avval sobiq xotinim Lyudmila Aleksandrovnani turmushga uzatay, keyin o‘zim haqimda o‘ylayman”, — deya Putin hazilona javob berdi.
Yuriy Babin 2012-yil dekabrida bir tiyinlik tangalardan iborat shaxsy kolleksiyasini sotuvga qo‘ydi. Shundan so‘ng u “tiyinli millioner” sifatida tanildi. Umumiy og‘irligi 7,5 tonna bo‘lgan besh millionta tangani u 19,9 million rublga baholadi. Babin, shuningdek MRB sobiq xodimi Edvard Snoudenga o‘z kottedjidan beshta xona taklif qilgani bilan ham mashhurdir.
Izoh (0)