O‘zbekistonda mamlakat ekologiyasi uchun Olmaliq tog‘-ruda hududidan kam bo‘lmagan darajada ahamiyatli bo‘lishi kutilayotgan yangi tog‘-ruda hududi o‘zbek geologlari tomonidan aniqlandi. Ushbu ixtironing ilmiy asoslari Toshkentda nashr etiladigan “Geologiya va mineral manbalar” jurnalining yangi sonida keltirilgan. Bu haqda UzReport xabar berdi.
Maqola mualliflari taniqli tadqiqotchi, yangi hududlar va minerallarni izlab topishda ilg‘or sanalgan respublika geologik xizmati faxriy a’zosi Rustam Yusupov, O‘zbekiston fanlar akademiyasining H. M Abdullayev nomidagi Geologiya va geofizika instituti laborotoriyasi rahbari Irina Sidorova, O‘zbekistоn Respublikаsi geоlоgiya vа minerаl resurslаr Davlat qo‘mitаsining geologiya sohasidagi ilmiy-tekshirish ishlarini muvofiqlashtirish boshqarmasi boshlig‘i Erkin Egamberdiyev va shu muassasaning yetakchi ilmiy xodimi A. Azizov hisoblanadi. Keng ko‘lamdagi ilmiy tadqiqotlar va izlanishlarning tahlili asosida tayyorlangan “Kelenchak-Tashkesken istiqbolli maydonining mis porfirli rudalashuvi” nomli mazkur ilmiy maqolada yangi ochilgan hududning mis, molibden, oltin, platina hamda kamyob metallarni qazib olish borasidagi imkoniyatlari yoritib berilgan.
Ushbu istiqbolli ruda hududi 2012-yilda “Angren” Maxsus industrial hududi markaziga aylangan Angren yirik sanoat shahrining poytaxt qismida joylashgan, shuningdek bu yerda alohida soliq va bojxona rejimi belgilangan. Ushbu imtiyozli rejimning uzaytirish imkoniyatiga ega bol'gan holda 30 yillik muddatda amal qilishi, albatta, respublikaning yangi tabiiy zaxirasini o'zlashtirishga sarmoyadorlarni jalb qiladi. Hududning yana bir afzalligi shundaki, u Olmaliq tog‘-metallurgiya kombinatida qazib olinuvchi rudaga nisbatan yer qatlamidan ikki marotaba kam chuqurlikda joylashgan.
Izoh (0)