2014-yilning 2—7-aprel kunlari Tailandda stol tennisi bo‘yicha o‘smirlar o‘rtasida o‘tkazilgan Osiyo chempionatida O‘zbekiston o‘smirlar terma jamoasi a’zosi Regina Kim yakkalik bahslarida muvaffaqiyatli ishtirok etib, Nankin shahrida (Xitoy) o‘tkaziladigan II o‘smirlar Olimpiya o‘yinlari yo‘llanmasini qo‘lga kiritdi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
Ta’kidlash joiz, Osiyoning 26 davlatidan kelgan 1200 nafar sportchi ishtirokida bo‘lib o‘tgan chempionatda qit’aning yetakchi sportchilari aniqlanishi bilan birga, joriy yilning 16—28-avgust kunlari Nankin shahri (Xitoy)da o‘tkaziladigan II o‘smirlar Olimpiya o‘yinlarining yo‘llanmalari ham o‘ynaldi.
Izoh (0)