Nemis avtopoygachisi Mixael Shumaxerning ahvoli so‘nggi kunlarda ijobiy tomonga o‘zgarmoqda. Germaniyaning Bild nashri ma’lumotlariga tayanib “Sports.ru”ning xabar berishicha, koma holatida yotgan Mixael Shumaxer ovozga reaksiya bildirgan.
“Biz shu kungacha ruhiy dalda bilan qo‘llab-quvvatlab turganliklari uchun Shumaxerning barcha muxlislariga o‘z minnatdorchiligimizni bildiramiz. Mixael hali uzoq davolanish kurslarini o‘tashi lozim. Shunday bo‘lsa-da, biz uning tezroq tuzalib ketishi uchun harakat qilmoqdamiz”, — deydi poygachining vakili Sabina Kem.
Eslatib o‘tamiz, germaniyalik mashhur avtopoygachi Mixael Shumaxer 2013-yil 29-dekabr kuni Alp tog‘larida chang‘i uchayotgan vaqtida yiqilib, boshi bilan toshga urilgan. Shundan so‘ng uni koma holatida klinikaga yotqizishgan edi. Avvalroq, sportchi koma vaqtida 55 kilogrammgacha ozib, avvalgi vaznining 25 foizini yo‘qotgani haqida ma’lumot berilgan edi.
Izoh (0)