2-aprel kuni Rossiya prezidenti Vladimir Putin “2011-yil 18-oktabrdagi erkin savdo to‘g‘risidagi shartnomani uning tomonlari va O‘zbekiston Respublikasi o‘rtasida qo‘llash haqidagi bayonnomani ratifikatsiya qilish to‘g‘risida”gi Federal qonunni imzoladi. Bu to‘g‘rida Kremlning rasmiy saytida ma’lumot berilgan.
Aytish kerakki, Federal qonun Davlat Dumasi tomonidan joriy yilning 21-martida qabul qilingan va Federatsiyalar kengashi tomonidan 26-martda tasdiqlangan.
O‘zbekiston esa bu to‘g‘ridagi bayonnomani 2013-yil 27-dekabr kuni ratifikatsiya qilgan.
Ushbu Bayonnoma 2013-yil 31-may kuni Minsk shahrida bo‘lib o‘tgan MDH davlatlari hukumat rahbarlari ishtirokidagi yig‘ilishda imzolangan edi. Unda O‘zbekiston hamda Erkin savdo hududi to‘g‘risidagi Shartnoma ishtirokchilari o‘rtasidagi munosabatlar mexanizmi bayon qilingan. Xususan, O‘zbekiston va erkin savdo hududi ishtirokchilari o‘rtasidagi bojxona to‘lovlarini qo‘llash qoidalariga aniqlik kiritilgan.
Izoh (0)