ЕЧЛда қайси жамоа ғалаба қозониши мумкинлиги тахмин қилинди

Opta суперкомпютери Европа Чемпионлар Лигаси 2026/27-йилги мавсуми олдидан жамоаларнинг мусобақада ғолиб чиқиш имкониятларини ҳисоблаб чиқди.

Унга кўра, Лондоннинг “Арсенал” клуби мусобақада ғалаба қозониш учун асосий даъвогар бўлиб турибди. Суперкомпютер “канонирлар”нинг имкониятини 20,9 фоиз деб баҳолади. Мюнхеннинг “Бавария” клуби 19,4 фоиз билан иккинчи поғонани эгаллаб турган бўлса, “Манчестер Сити” 12,3 фоиз билан кучли учликка якун ясаган.

Каталониянинг “Барселона” клуби имкониятлари 8,2 фоиз этиб белгиланган. Амалдаги чемпион — Франциянинг “ПСЖ” жамоаси эса 7,1 фоиз кўрсаткич билан кучли бешликдан жой олган. Эътиборли томони, мусобақада энг кўп ғалаба қозонган “Реал” эса 4,4 фоиз билан 7-поғонани банд этган. 

Opta суперкомпютери тахминларига кўра, УЕФА Чемпионлар Лигасининг 2026/27-йилги мавсуми асосий фаворитлари (топ-10)

1. “Арсенал” — 20.9 фоиз
2. “Бавария” — 19.4 фоиз
3. “Манчестер Сити” — 12.3 фоиз
4. “Барселона” — 8.2 фоиз
5. “ПСЖ” — 7.1 фоиз
6. “Ливерпуль” — 6.1 фоиз
7. “Реал Мадрид” — 4.4 фоиз
8. “Манчестер Юнайтед” — 3.8 фоиз
9. “Интер” — 3.6 фоиз
10. “Астон Вилла” — 2.0 фоиз

Эслатиб ўтамиз, УЕФА Чемпионлар Лигасининг 1-тур учрашувлар 8—10 сентябрь кунлари бўлиб ўтади.