Англиянинг “Ньюкасл” клуби бразилиялик ярим ҳимоячи Бруно Гимарайш трансфери бўйича Лондоннинг “Арсенал” жамоаси юборган 90 миллион евролик таклифга рози бўлди. Бу ҳақда Франциянинг L’Equipe нашри хабар берган.
Манбага кўра, “Ньюкасл” раҳбарияти дастлаб “канонирлар”нинг бир нечта таклифларини рад этган. Аммо лондонликлар трансфер суммасини 90 миллион еврога кўтаргач, жамоа ушбу келишувни маъқуллаган. Аввалроқ 28 ёшли хавбек “Арсенал” билан 2031-йилга қадар мўлжалланган шахсий шартнома шартларини келишиб олгани хабар қилинган эди.
Маълумот учун, Гимарайш 2025/2026-йилги мавсумда барча турнирлар доирасида 41 та ўйинда майдонга тушиб, 9 та гол ва 8 та голли узатмага муаллифлик қилди. Футболчи ЖЧ-2026 мусобақасида Бразилия терма жамоаси сафида 5 та учрашувда қатнашиб, 4 та ассист қайд этди ва терма жамоасининг энг яхши ассистентига айланди. Эслатиб ўтамиз, бразилияликлар ушбу мундиалнинг 1/8 финал босқичида Норвегияга 1:2 ҳисобида имкониятни бой бериб, турнир билан хайрлашган эди.
