Каталониянинг “Барселона” клуби “Атлетик” ва Испания миллий терма жамоаси марказий ҳимоячиси Эмерик Лапортни ўз сафига қўшиб олмоқчи. Sport.es нашрининг хабар беришича, каталонияликлар яқин кунлар ичида 32 ёшли футболчининг вакиллари билан боғланиб, эҳтимолий трансфер ва унинг келажакдаги режаларини муҳокама қилишни режалаштирмоқда.
“Барселона” спорт директори Деку Жаҳон чемпионати вақтидаёқ Лапортнинг атрофидагилар билан алоқа ўрнатган эди. Ўшанда томонлар музокараларни турнир якунланганидан сўнг давом эттиришга келишиб олганди.
“Барселона” Лапортни мудофаа марказини кучайтириш учун асосий номзодлардан бири сифатида кўрмоқда. Клуб раҳбарияти ҳимоячининг тажрибаси, ҳужум бошлаш қобилияти ва чап оёқда ишончли ўйнашини юқори баҳоламоқда. Манбага кўра, ушбу эҳтимолий трансфер суммаси 15 миллион еврони ташкил қилиши мумкин.
Маълумот ўрнида, Лапорт 2026-йилги Жаҳон чемпионатида олтин медалларни қўлга киритган Испания терма жамоасининг асосий ўйинчиларидан бири бўлди. Турнир давомида у мудофаа марказида Пау Кубарси билан жуда ишончли тандем ҳосил қилди.
