Ижтимоий тармоқларда футбол бўйича Жаҳон чемпионатида иштирок этган Ўзбекистон миллий жамоасининг 26 нафар аъзосига Malibu автомобили совға қилиниши ҳақида хабарлар тарқалмоқда. “Дарё” манбаларининг маълум қилишича, ушбу маълумотлар мутлақо ҳақиқатга тўғри келмайди ва ҳеч қандай реал асосга эга эмас.
Шу муносабат билан, жамоатчилик ҳамда тармоқ фойдаланувчиларидан бу каби ёлғон, тасдиқланмаган хабарларга ишонмаслик ва фақат расмий манбаларга таяниш сўралмоқда.
Маълумот ўрнида, Ўзбекистон миллий жамоаси ўз тарихида илк бор ЖЧ-2026 мусобақасида иштирок этиб, гуруҳ босқичидаги 3 та ўйинда Колумбия, Португалия ҳамда Конго ДР вакилларига имкониятни бой берди ва турнир билан барвақт хайрлашди. Ҳозирда жамоа бош мураббийи Фабио Каннаваро таътилни ўтказиш учун Италияга йўл олган.
