Эрон терма жамоаси Жаҳон чемпионати гуруҳ босқичи 2-туридан ўрин олган Бельгияга қарши ўйиндан икки кун олдин Мексиканинг Тихуана шаҳридаги машғулотлар базасини тарк этиб, АҚШга учиб кетишни режалаштирган эди. Бироқ, уларнинг бу сўрови рад этилганини маълум қилди. Daily Mail нашрининг Эрон футбол федерацияси (FFIRI) матбуот котибига таяниб хабар беришича, ташкилотчиларнинг ушбу қарори Эрон томонининг кескин эътирозига сабаб бўлган.
“Эрон терма жамоаси турнирга тайёргарлик кўриш жадвалини олдиндан тақдим этганига қарамай, яна ташкилотчилар томонидан жорий қилинган чекловларга дуч келди. Бу эса мураббийлар штабининг ўқув-машғулот режаларига салбий таъсир кўрсатди. FFIRI ушбу ҳолат юзасидан ўз норозилигини расман билдириб, FIFA’га шикоят киритади”, дейилади расмий баёнотда.
Эслатиб ўтамиз, Эрон ва Бельгия ўртасидаги учрашув 21 июнь куни АҚШнинг Лос-Анжелес шаҳрида бўлиб ўтиши белгиланган. Форслар биринчи турда Янги Зеландияга қарши баҳс олиб бориб, 2:2 ҳисобида дуранг ўйнаган эди.
