Қуёшдан ҳимоя сифатида ишлатила бошлаган SPF кремлар баъзи аёлларда вақт ўтиб теридаги муаммоларни келтириб чиқаради ва юзда яллиғланиш ҳамда ҳуснбузарлар пайдо қилади. Бунинг боиси нимада?
Косметолог-эскперт яллиғланиш ва тошмаларга мойил ёғли юз териси учун қуёшдан ҳимоя воситасини танлашда нималарга эътибор бериш кераклиги ҳақида сўзлаб берди.
Ёз фаслида эпидермис кўпроқ ёғ ва тер ажратади, унинг юзасида жойлашган бактериялар иссиқлик таъсирида янада кўпаяди. Шунинг учун ҳатто қуруқ тери ҳам ялтираб туради ва кўпроқ тошмалар пайдо бўлади. Ёғли, аралаш юз терисига эга аёлларда себум кўп миқдорда ишлаб чиқарилади. Иссиқлик таъсирида тўйинмаган ёғ кислоталарининг миқдори ортади, pH кўрсаткичи ўзгаради ва микробиома — терининг ҳимоя қатламига путур етади.
Шу сабабли ёғли юз териси сифатсиз косметик воситаларга таъсирчан бўлади. Юз терисига зарар етказмайдиган юқори сифатли SPF кремларни танлашда қуйидагиларга риоя этиш лозим:
- Маҳсулотдан фойдаланганда юз терисида қизариш, қичишиш каби аломатлар бўлмайди;
- Крем таркиби юзга агрессив таъсир қиладиган моддаларни ўз ичига олмайди;
- Сифатли SPF юзга бир текис қатламда ва осонлик билан суртилади;
- Юзга суртилгач, тери нафас олиши сезилади ва қулайлик ҳиссини беради.
