Нуфузли Opta статистик портали 2026-йилнинг ёзида АҚШ, Мексика ва Канада майдонларида ўтадиган Жаҳон чемпионати фаворитлари рейтингини эълон қилди. Унга кўра, Ўзбекистон миллий терма жамоасининг турнирда ғолиб чиқиш имконияти 0,07 фоиз деб баҳоланган.
Ўзбекистоннинг ЖЧ—2026 даги имкониятлари:
- Гуруҳ босқичидан ўтиш: Суперкомпютер ўзбекистонлик футболчиларнинг гуруҳ босқичидан муваффақиятли ўтиб, плей-оффга йўл олиш имкониятини 5,45 фоиз деб баҳолаган.
- Нимчорак финал: Фабио Каннаваро шогирдларининг 1/16 финалдан ўтиб, кучли 16 таликка кириш эҳтимоли 12,25 фоиз ни ташкил этмоқда.
- Чорак финал: Ўзбекистоннинг чорак финалга қадар етиб бориши 3,78 фоиз га тенг.
- Ярим финал: Ўзбекистон жамоасининг ярим финал босқичида ўйнаш кўрсаткичи 1,16 фоиз деб баҳоланди.
- Финал: Финал баҳсига чиқиш имконияти 0,32 фоиз ни ташкил этди.
- Чемпионлик: Ўзбекистоннинг Жаҳон чемпионига айланиши эҳтимоли 0,07 фоиз га тенг.
Opta суперкомпютери талқинича, 2026-йилги мундиалнинг асосий фаворити Испания терма жамоаси (чемпионлик эҳтимоли 15,43 фоиз) ҳисобланади. Иккинчи поғонадан Франция терма жамоаси (12,54 фоиз) жой олди. Кучли учликни Англия (10,88 фоиз) якунлаб берди. Амалдаги Жаҳон чемпиони Аргентина эса 10,28 фоизлик кўрсаткич билан 4-ўринни эгаллади.
Opta талқинига кўра, 2026-йилги Жаҳон чемпионатида ғолибликка асосий даъвогар 15 та терма жамоа:
- Испания — 15,43 фоиз
- Франция — 12,54 фоиз
- Англия — 10,88 фоиз
- Аргентина — 10,28 фоиз
- Португалия — 6,73 фоиз
- Бразилия — 6,62 фоиз
- Германия — 5,62 фоиз
- Нидерландия — 3,88 фоиз
- Норвегия — 3,59 фоиз
- Бельгия — 2,26 фоиз
- Колумбия — 2,24 фоиз
- Уругвай — 1,72 фоиз
- Мексика — 1,71 фоиз
- Марокаш — 1,70 фоиз
- Швейцария — 1,66 фоиз
Осиё қитъасидан иштирок этадиган жамоалар орасида энг яхши имконият Японияда қайд этилган:
- Япония — 1,47 фоиз
- Жанубий Корея — 0,37 фоиз
- Эрон — 0,24 фоиз
- Саудия Арабистони — 0,07 фоиз
- Ўзбекистон — 0,07 фоиз
- Иордания — 0,06 фоиз
- Қатар — 0,05 фоиз
2026-йилги Жаҳон чемпионати 11 июндан 19 июлгача АҚШ, Канада ва Мексика майдонларида бўлиб ўтади. Мусобақада 48 та терма жамоа бош соврин учун кураш олиб боради. Канада ЖЧ—2026 мусобақасининг 13 та ўйинига мезбонлик қилади. Учрашувлар Торонто ва Ванкувердаги стадионларда ўтказилади. Мексика ҳам 13 та ўйинни ўзида қабул қилади. Учрашувлар Мехико, Гвадалахара ва Монтеррей шаҳрида жойлашган стадионларида бўлади. Қолган барча ўйинларга АҚШ мезбонлик қилади.
