“Евровидение”да илк бор болгариялик иштирокчи ғолиб бўлди
2026 йилда танловда жами 35 мамлакат иштирок этди.
1 дақиқа ўқиш7 826 кўришлар0 изоҳ1
Венада бўлиб ўтган “Евровидение” танловида илк бор болгариялик иштирокчи ғолиб бўлди. Болгариялик поп-хонанда Дарина Йотова (Dara) “Bangaranga” қўшиғи билан 516 очко тўплаб, биринчи ўринни эгаллади. Бу йил Болгария уч йиллик танаффусдан сўнг “Евровидение”га қайтди.
Иккинчи ўринни исроиллик хонанда Ноам Беттан “Michelle” таронаси билан (343 балл), учинчи ўринни эса руминиялик Александра Капитенеску “Choke Ме” қўшиғи билан (296 балл) эгаллади.
Буюк Британия бир очко тўплаб, сўнгги ўринни олди. Танлов мезбони Австрия эса олти балл билан охиргидан олдинги поғонага жойлашди. 2026 йилда “Евровидение”да жами 35 мамлакат иштирок этди.
Фото: Instagram
Испания, Ирландия, Нидерландия, Словения ва Исландия Исроилнинг иштирокига рухсат берилганига қарши норозилик белгиси сифатида ўз ижрочиларини танловга юборишдан бош тортди.
Toshkent viloyati Yangiyo‘l tumanida tug‘ilganman. Hozirda Alisher Navoiy nomidagi davlat Adabiyot muzeyida tayanch doktorantura (PhD)da o‘qiyman. “Daryo”da 2018-yildan beri musahhih va muxbir lavozimida ishlayman.
Sevib o‘qiydigan kitoblarim juda ham ko‘p: Nodar Dumbadze “Abadiyat qonuni”, Harper Li “Mazaxchining o‘ldirilishi”, Gabriel Garsia Markes “Yolg‘izlikning yuz yili”, Chingiz Aytmatov “Kassandra tamg‘asi”, Mixail Bulgakov “Usta va Margarita”, O‘tkir Hoshimov “Ikki eshik orasi”, Ulug‘bek Hamdam “Sabo va Samandar”...
Sevimli filmlarim ham turli janrda: DiKaprio ishtirokidagi “Ibtido” va “La’natlanganlar oroli”, “Shoushenkdan qochish”, “Yo‘-yo‘l pijamali bolakay”, “Ameli”, “Qotillikni xotirlab”. Bundan tashqari, Hayao Miyazakining animelari jon-u dilim.
