“Бавария” ва “Манчестер Юнайтед” клуби собиқ футболчиси, Жаҳон чемпиони Бастиан Швайнштайгер замонавий футболнинг энг иқтидорли икки вакили — Ламин Ямал ва Майкл Олисени ўзаро солиштирди. Германиялик афсонанинг фикрича, Олисе ҳозирда анча юқори савияда ўйин кўрсатмоқда.
Швайнштайгер ОАВ ва футбол афсоналарининг Ламин Ямалга бўлган ҳаддан ташқари эътиборини танқид қилди:
“Мен қандай қилиб кимдир Ямални Олиседан яхшироқ дейиши мумкинлигини тушунмайман. Ямал Олиседан яхшироқ бажарадиган бирорта жиҳат йўқ. Ҳозир ‘Барселона’ бизга ‘янги Месси’ образини мажбурлаб сингдираётгандек таассурот уйғонмоқда. Бу худди болалар боғчасига ўхшайди. Сиз афсоналарнинг уни мақтаётганини кўрасиз, лекин диққат билан қарасангиз, улар барчаси ‘Барса ’тарафдори ва шу ғояни илгари суришмоқда. Аслида эса Олисе яхшироқ ўйинчи”.
Маълумот учун, 24 ёшли Майкл Олисе жорий мавсумда барча турнирлар доирасида жами 43 та ўйинда майдонга тушиб, ўз ҳисобига 18 та гол ва 29 та ассист (жами 47 та очко) ёздириб қўйган. Шундан 4 та гол ва 7 та ассист айнан Чемпионлар Лигаси баҳсларига тўғри келади.
18 ёшли Ламин Ямал эса жами 44 та учрашувда иштирок этиб, 23 та гол ва 18 та голли узатмага (жами 41 та очко) муаллифлик қилган. Унинг Чемпионлар лигасидаги кўрсаткичи 6 та гол ва 4 та ассистни ташкил қилади. Transfermarkt портали Ямални 200 миллион еврога, Олисени эса 140 миллион еврога баҳолаган.
