Исроил бош вазири Биньямин Нетаньяху АҚШ маъмуриятининг президент Дональд Трампдан ташқари барча асосий аъзолари қўллаб-қувватлашини йўқотган. Бу ҳақда Axios портали Оқ уйнинг номи ошкор қилинмаган амалдорига таяниб хабар бермоқда.
Маълумотларга кўра Исроил ҳукумати раҳбари Трамп билан 29 декабрь куни Флоридадаги Мар-а-Лаго мулкида учрашиши режалаштирилган.
Унинг фикрича, Исроил бош вазири АҚШ вице-президенти Жей Ди Венс, давлат котиби Марко Рубио, Трампнинг куёви Жаред Кушнер, АҚШ президентининг махсус вакили Стивен Уиткофф ва Оқ уй аппарати раҳбари Сюзи Уайлснинг қўллаб-қувватлашидан маҳрум бўлган.“Нетаньяху уларни йўқотди. Унинг ихтиёрида қолган ягона одам - президент, у ҳали ҳам унга хайрихоҳ, аммо ҳатто Трамп ҳам Ғазо бўйича келишув ҳозирги суръатдан тезроқ ривожланишини истаяпти”, дея билдирган Оқ уй амалдори.
Ноябрь ойи ўрталарида БМТ Хавфсизлик кенгаши Трампнинг Ғазо секторидаги вазиятни ҳал қилиш бўйича кенг қамровли режасини қўллаб-қувватлаш учун АҚШ томонидан таклиф қилинган резолюцияни маъқуллади. Кенгашнинг 15 аъзосидан 13 нафари қўллаб-қувватлади, Россия ва Хитой бетараф қолди. АҚШнинг Ғазо бўйича режасида Ғазо секторини вақтинчалик халқаро бошқариш ва Трамп раислигида “тинчлик кенгаши” тузиш таклиф қилинмоқда. Шунингдек, халқаро барқарорлаштириш кучларининг куч мандати кўзда тутилган бўлиб, улар Исроил ва Миср билан ҳамкорликда жойлаштирилиши керак. Тинчликпарвар кучлар таркиби ҳақида ҳозирча маълумотлар йўқ.“Ўз навбатида, Трамп ва унинг жамоаси Нетаньяхуни АҚШ томонидан қўллаб-қувватлашни давом эттириш билан боғлаб, ҳарбий риторикадан воз кечишга чақирмоқчи”, дея ёзмоқда портал.
Оммавий ахборот воситалари томонларнинг позицияси ва ўт очишни тўхтатиш шартларини бузганликда ўзаро айбловлар туфайли Трамп режасининг иккинчи босқичини амалга ошириш кечикаётгани ҳақида хабар берган эди. Sky News Arabia телеканали маълумотларига кўра, араб давлатлари, Туркия, Исроил ва АҚШ Ғазо сектори бўйича келишувнинг иккинчи босқичини амалга оширишни бошлаш учун яна бир саммит ўтказиши мумкин.
