Ўзбекистон миллий терма жамоаси дарвозабони Ўткир Юсупов бир ярим йиллик танаффусдан сўнг яна “Навбаҳор”га қайтди. Бу ҳақда клуб матбуот хизмати хабар берди.
Бунга қадар 33 ёшли дарвозабон Эроннинг “Фулад” клубида 2024 йил июль ойидан буён фаолият юритаётган эди. Transfermarkt маълумотига кўра, ўша вақтда “Фулад” Юсупов учун Наманган клубига 300 минг евро тўлаган.
Юсупов 2019–2024-йиллар давомида ҳам “Навбаҳор” сафида ҳаракат қилган. Шунингдек, у “Машъал”, “Насаф”, “Нефтчи” ва “Қўқон-1912” клубларида фаолият юритган.
Ўткир Юсупов CAFA Nations Cup 2025 турнирида тиззасидан олган жароҳатидан сўнг Австрияда жарроҳлик амалиётини ўтказди ва реабилитация жараёнини “Армониа” номли махсус тиббий марказда давом эттирди.
Маълумот учун, “Навбаҳор” ўтган мавсум Суперлигада 40 очко жамғарган ва турнир жадвалида 7-ўринни эгаллаган.
Аввалроқ Ўзбекистон терма жамоаси собиқ бош мураббийи Темур Кападзе фаолиятини Наманганнинг “Навбаҳор” клубида давом эттириши эълон қилинган эди.
