2026-йилги Жаҳон чемпионати қуръаси олдидан саватлар деярли шаклланиб бўлди. Мундиал йўлланмасини қўлга киритган терма жамоалар 5 декабрь куни бўлиб ўтадиган қуръага қадар юқорироқ саватлардан жой олишни истамоқда. Чунки назарий жиҳатдан юқори сават — нисбатан қулайроқ гуруҳ дегани.
Қуйида ҳозирча йўлланма олган 42 жамоа ва уларнинг FIFA рейтингига кўра қайси саватдан жой олиши мумкинлиги келтирилган. Мундиал бошланишига қадар яна 22 та жамоа 6 та йўлланма учун кураш олиб боради: Европа қитаси учун 4 та йўлланма, қитъалараро саралаш босқичи учун 2та йўлланма.
FIFA 2026-йилги Жаҳон чемпионати қуръаси учун саватларни қандай белгилайди?
Саватлар FIFA рейтинги асосида шаклланади: рейтинг қанчалик юқори бўлса, жамоа шунчалик юқори саватга жойлаштирилади. Янги 20 ноябрь куни рейтинг эълон қилинган ва 5 декабргача қайта янгиланмайди. Шу сабабли қуръа айнан шу рейтингга таянади.
Шунингдек, ҳали расмий тасдиқланмаган бўлса-да, плей-офф орқали йўлланма оладиган олтита жамоанинг рейтингдан қатъи назар 4-саватга жойлаштирилиши кутиляпти. Бу эса кучли гуруҳлар пайдо бўлиши эҳтимолини оширади.
Агар FIFA айланма йўллар орқали мундиал чиптасини қўлга киритган жамоаларни 4-жаватчага жойлаштирса, жамоалар қайси саватда бўлади?
1-сават (12 жамоа)
Испания
Аргентина
Франция
Англия
Бразилия
Португалия
Нидерландия
Бельгия
Германия
АҚШ (мезбон)
Мексика (мезбон)
Канада (мезбон)
2-сават (12 жамоа)
Хорватия
Марокаш
Колумбия
Уругвай
Швейцария
Япония
Сенегал
Эрон
Жанубий Корея
Эквадор
Австрия
Австралия
3-сават (12 жамоа)
Норвегия
Панама
Миср
Жазоир
Шотландия
Парагвай
Тунис
Кот-д’Ивуар
Ўзбекистон
Қатар
Саудия Арабистони
Жанубий Африка
4-сават (12 жамоа)
Иордания
Кабо-Верде
Гана
Кюрасао
Гаити
Янги Зеландия
УЕФА плей-офф ғолиби 1
УЕФА плей-офф ғолиби 2
УЕФА плей-офф ғолиби 3
УЕФА плей-офф ғолиби 4
Қитъалараро плей-офф ғолиби 1
Қитъалараро плей-офф ғолиби 2
У ҳолда Фабио Каннаваро бошчилигидаги Ўзбекистон терма жамоаси 3-саватчадан ўрин олади.
