“Ноттингем Форест” ярим ҳимоячиси Эллиот Андерсон фаолиятини Испания Ла Лигасида давом эттириши мумкин. Defensa Central нашрининг ёзишича, “Реал Мадрид” 23 ёшли футболчини харид қилиш имкониятини кўриб чиқмоқда.
Манбага кўра, “ўрмончилар” футболчи бўйича музокараларга очиқ. Бироқ “Ноттингем Форест” Эллиот учун 114–137 миллион евро атрофидаги таклифларни кўриб чиқади. “Реал” эса бунча сумма тўлашни истамаяпти. Аммо клуб президенти Флорентино Перес қўл остидаги скаутларга Эллиотнинг атрофидаги вазиятни диққат билан ўрганиб чиқишни буюрган. “Реал” раҳбариятининг фикрича, инглиз футболчисининг ўйин услуби ўрган мавсум клубдан кетган Лука Модричникига жуда ўхшайди.
Ҳозирги кунда Андерсонга фақат “Реал” эмас, балки бир нечта Англия Премьер Лигаси клублари ҳам қизиқиш билдирмоқда. Даъвогарлар қаторида “Манчестер United”, “Манчестер Сити” ва “Ньюкасл” клублари ҳам бор.
Маълумот учун, жорий мавсум Андерсон барча мусобақалар доирасида жами 14 та ўйинда майдонга тушиб, битта гол ва битта голли узатмага муаллифлик қилган. Унинг “Ноттингем Форест” билан амалдаги шартномаси 2029 йил ёзигача мўлжалланган. Transfermarkt маълумотига кўра, футболчининг бозор қиймати 45 миллион еврони ташкил этади.
