Ҳиндистон декабрь ойида етказиб бериладиган Россия нефтини харид қилишни қисқартирди. Бу ҳақда Bloomberg хабар берди.
Маълум қилинишича, бу ҳолат “Ғарб санкциялари ва АҚШ билан олиб борилаётган савдо музокаралари Ҳиндистоннинг нефть импорти таркибига сезиларли таъсир кўрсатаётганидан далолат беради”. Бир вақтнинг ўзида бешта йирик нефтни қайта ишлаш компанияси келгуси ой учун Россия нефтига буюртма бермаган. Бу одатда 10 ноябрга қадар амалга оширилар эди.
Ўзгариш АҚШ президенти Дональд Трамп Ҳиндистон товарларига божларни 50 фоизгача оширгани, кейинроқ эса Россиянинг “Лукойл” ва “Роснефт”га қарши санкциялар киритганидан кейин юз берди.
Қуйидаги компаниялар жорий йилда Ҳиндистонга импорт қилинган Россия нефтининг учдан икки қисмини таъминлаганди:
- Reliance Industries Ltd.,
- Bharat Petroleum Cорп. Ltd.,
- Hindustan Petroleum Cорп. Ltd.,
Mangalore Refinery and Petrochemicals Ltd.
HPCL-Mittal Energy Ltd.
Бироқ Bloomberg бу компанияларнинг айнан ўзи декабрь ойида Россия нефтидан воз кечганми ёки йўқми аниқлик киритмади. Фақат икки компания — Indian Oil Corp. (санкцияларга тушмаган сотувчилардан) ва “Роснефт”га қисман тегишли Nayara Energy Ltd. — декабрь учун чекланган ҳажмда Россия нефтини харид қилган.
- Reuters: Туркия АҚШ санкцияларидан кейин Россиядан камроқ нефть сотиб олмоқда
Манбаларга кўра, АҚШ, Европа Иттифоқи ва Буюк Британиянинг Россия нефть секторига қарши санкциялари ортидан харидлар камайган. Туркиядаги нефтни қайта ишлаш заводлари Ироқ ва Қозоғистондан кўпроқ нефть сотиб ола бошлаган. Манбалар иккита йирик нефтни қайта ишлаш заводига эгалик қилувчи Туркиянинг Tupras компанияси яқин орада заводлардан бирига Россия нефтини импорт қилишдан бутунлай воз кечишини тахмин қилмоқда.
10 ноябрь куни АҚШ вице-президенти Жей Ди Венс ва давлат котиби Марко Рубио Туркия ташқи ишлар вазири Хоқон Фидан билан учрашувда Вашингтоннинг НАТО бўйича барча иттифоқчиларини Россия энергия ташувчиларини сотиб олишни тўхтатишга чақирди.
