Танзаниянинг энг йирик шаҳри Дар ас Саломда 29 октябрь куни президентлик сайлови ўтказилди. Аҳоли амалдаги президентнинг қайта сайланишидан норози бўлиб, намойишларни бошлаб юборди. Бу ҳақда The Guardian хабар берди.
Бутун мамлакат бўйлаб интернет хизмати узиб қўйилган. Президент Самиа Сулуҳу Ҳассан сайловда ғалаба қозониб, ҳокимиятни мустаҳкамлаши кутилмоқда. Аммо унинг ҳукуматига мухолифатни четлаштириш, танқидчиларни ҳибсга олиш ва йўқотишда айбловлар қўйилмоқда.
Самиа Сулуҳу 2021-йилда ўзидан олдинги президент Жон Магуфули вафотидан кейин лавозимга киришган эди. Бунгача у ҳокимиятда вице-президент сифатида фаолият юритган. 29 октябрь куни ўтган сайловда ҳам у катта эҳтимол билан ғалаба қозиниши кутилмоқда.
Сўнгги ойлар ичида бир неча мухолиф етакчилар, жумладан, Чадема партияси раис ўринбосари Тунду Лиссу ва “ ACT-Wazalendo” партияси раҳбари Луҳага Мпина сайловда иштирок этишдан четлатилган.
Мутахассислар мамлакатда сиёсий босим, аҳоли норозиликлари ва ишончсизлик кучайганини таъкидламоқда. Шунга қарамай, ҳукмрон CCМ партияси мамлакат иқтисодий ўсиши ва паст инфляцияни ўз ютуғи сифатида кўрсатмоқда. Танзанияда мустақилликдан буён — 1961 йилдан бери — CCМ ҳокимиятни қўлдан бой бермай келмқода.
