2024 йил якунларига кўра, Малта, Тайван, Жанубий Корея ва Испания дунёдаги энг паст туғилиш коэффициентига эга мамлакатлар бўлди. Бу ҳақда РИА Новости очиқ маълумотларни ўрганиб хабар берди.
Антирейтинг етакчиси Малта бўлгн. Ушбу мамлакатда бутун репродуктив давр мобайнида бир аёлдан туғилган болаларнинг ўртача сони 1,06 ни ташкил этган. Иккинчи ўринда Тайван (1,11), кейинги ўринларда Жанубий Корея ва Испания (1,12 дан) жойлашган. Бешинчи ўринни Сингапур 1,17 кўрсаткич билан эгаллаган.
Туғилиш даражаси энг паст бўлган ўнталикка Литва (1,18), Польша (1,20), Италия (1,21), Украина (1,22), шунингдек, Макао ва Гонконг (1,24 дан) кирган.
Шу билан бирга, туғилишнинг энг юқори кўрсаткичлари анъанавий равишда Африка мамлакатларида қайд этилмоқда. Биринчи ўринни Нигер эгаллаган, у ерда ҳар бир аёлга ўртача 6,64 бола тўғри келади. Кучли бешликка Ангола (5,7), Конго Демократик Республикаси (5,49), Мали (5,35) ва Бенин (5,34) ҳам кирган. Ўнталикни эса Чад (5,24), Уганда (5,17), Сомали (5,12), Жанубий Судан (5,09) ҳамда энг юқори ўнталикдаги туғилиш коэффициенти 5 пунктдан ошмаган ва 4,9 ни ташкил этган ягона мамлакат - Бурунди якунлаган.
Кўриб чиқилган 223 та мамлакат орасида ҳар бир аёлга тўғри келадиган болалар сони ўртача 2,33 тани ташкил этган.
