“Манчестер Сити” клуби бош мураббийи Хосеп Гвардиола келажаги борасида бир қарорга келган. Don Balon нашрининг хабар беришича, раҳбарият Гвардиолага клуб Чемпионлар Лигасидаги муваффақияциз иштирок этса, уни истеъфога чиқаришини маълум қилган.
Манбага кўра, “шаҳарликлар” учун Чемпионлар Лигасида минимал вазифа сифатида чорак финал белгиланган. Агар клуб бу босқичга етиб бормаса, Гвардиоланинг ишдан кетиши муқаррар бўлади.
Аввалроқ мураббий ўзининг келажаги ҳақидаги саволга шундай жавоб берган эди:
“Кўп маротаба айтганман — келажакни олдиндан билмайман. Натижалар ҳаммасини белгилайди. Мен яхши мавсум ўтказишим керак. Агар клуб ўзгаришларга муҳтожлигини сезсам, бир кун ҳам қолмайман. Аммо ҳозир ҳар қачонгидан ҳам бу ишни давом эттиришни хоҳлаяпман”.
Эслатиб ўтамиз, Гвардиоланинг “Манчестер Сити” билан шартномаси 2027-йилнинг ёзига қадар амал қилади. “Шаҳарликлар” Чемпионлар Лигаси гуруҳ босқичининг дастлабки икки туридан кейин 4 очко жамғарган ҳолда 8-ўринни эгаллаб турибди. Клуб кейинги турда “Вильярреал” майдонига сафар қилади.
