Йилнинг энг кучли тўфони “Рагаса” Тайванда 14 кишининг ҳаётига зомин бўлди, 124 нафар одам бедарак йўқолди. Бу ҳақда CNN хабар берди.
Маълумотларга кўра, 22 сентябрь куни Тайваннинг Ҳуален провинциясида кўл тошиб, катта сув тошқини юзага келган. Супер тўфон ҳозирда Хитойнинг жанубий соҳилларига яқинлашмоқда. Хитойнинг энг зич аҳоли яшайдиган ҳудудларидан бири — Гонконг ва Шенжен шаҳарлари шамол ва ёмғирдан зарар кўрмоқда.
Гонконгда шамол тезлиги 168 километр/соатга етган. Айрим жойларда тўлқинлар 4 метргача кўтарилиши мумкинлиги айтилмоқда. Хитой жанубидаги Гуандонг провинциясидан 370 мингга яқин одам эвакуация қилинган.
Ижтимоий тармоқларда меҳмонхона эшикларини синдириб кирган тўлқин акс этган видеолар тарқалган. Мамлакат жанубидаги Гуангдонг провинциясида бир миллиондан ортиқ одам хавфсиз ҳудудларга кўчирилган. 10 мингдан ортиқ кема хавфсиз жойларга йўналтирилган, 38 мингдан зиёд ёнғин ўчириш ходими шай ҳолатда турибди.
Тўфон бу йилги тўққизинчи бўрон бўлиб, одатдаги йиллик кўрсаткичдан ошиб кетган. Шу билан бирга, Гонконг каби шаҳарлар йирик сув оқимларига қарши замонавий инфраструктурага эга бўлиб, хавфни камайтиришга ҳаракат қилмоқда.
