Каталониянинг “Барселона” клуби вингери Ламин Ямал келажакдаги энг катта орзуларидан бирини очиқ айтди. Футболчи RMC Sport нашрига берган интервюсида келажакда кўплаб “Олтин тўп” ютишни истаётганини маълум қилди.
“Мен битта “Олтин тўп” ҳақида орзу қилганим йўқ. Мен бир неча марта бу совринни қўлга киритишни хоҳлайман. Буни барча дўстларим билади. Агар бунга эриша олмасам, демак, ниманидир нотўғри қилганман. Лекин агар уддалай олсам, мендан бахтлироқ инсон бўлмайди”, деди 18 ёшли футболчи.
Маълумот учун, Ламин Ямал жорий мавсум ҳам “Олтин тўп” учун асосий даъвогарлардан бири бўлиб турибди. Бироқ кўплаб мутахассислар Усмон Дембеленинг имкониятларини юқори баҳоламоқда. Ямал ўтган мавсум “Барселона” билан Испания чемпионлиги, мамлакат кубоги ҳамда Суперкубогини қўлга киритди.
Ламин жорий мавсум Испания Ла Лигаси доирасида учта ўйинда майдонга тушиб, ўз ҳисобига икки гол ва икки голли узатма ёзидириб қўйди. Transfermarkt портали унинг қийматини 200 миллион еврога баҳоламоқда.
