ОPEN AI сунъий интеллект чатботи ChatGPT’да ота-оналар учун назорат функсиясини жорий қилинмоқда. Бу орқали ота-оналар фарзандларининг қандай функсиялардан фойдаланаётганини назорат қила олади, ҳатто бола руҳий тангликка тушганида огоҳлантириш хабари ҳам юборилади. Бу ҳақда Эуронес хабар берди.
PenAI бу янгиликни яқин бир ой ичида ишга туширишни режалаштирмоқда. Унга кўра, ота-оанлар фарзандлари билан аккаунтларни боғлаб, чат тарихини ва бошқа имкониятларни бошқаришлари мумкин бўлади. Шунингдек, компания агар ChatGPT ўсмирнинг оғир руҳий ҳолатда эканини сезса, бу ҳақда ота-онасига хабар юборишини маълум қилган. Бироқ қандай ҳолатлар бу огоҳлантиришни фаоллаштириши ҳозирча очиқланмаган.
Бу ўзгаришлар 16 ёшли Адам Райн исмли ўсмирнинг апрел ойида ўз жонига қасд қилишидан сўнг чора сифатида амалиётга татбиқ этилмоқда. Ҳодиса сабаб боланинг ота-онаси компания ва бош директор Сем Алтманга қарши судга мурожаат қилган. Даъвога кўра, ChatGPT ўсмирда сунъий интеллектга психологик қарамликни шакллантирган, ҳатто унга ўз жонига қасд қилиш режасини тузишда ёрдам бериб, хат ҳам ёзиб берган.
Адам Райннинг ота-онаси вакили, адвокат Жей Эделсон бу чораларни “мавҳум ва самарасиз” деб баҳолаб, OpenAIни инқирозга қарши курашиш ўрнига мавзуни ўзгартиришга уринмоқда, деб танқид қилган.
“Алтман ChatGPT хавфсиз деб қатъий айцин — ёки уни бозордан дарҳол олиб ташлаш керак”, деди Эделсон.
Мета компанияси ҳам 2-сентябр куни ўз чатботларига ўсмирлар билан ўз жонига қасд қилиш, нотўғри овқатланиш, ёки номақбул романтик муносабатлар ҳақида суҳбатлашишни тақиқлаганини эълон қилган. Эндиликда чатботлар бундай ҳолатларда фойдаланувчини мутахассисларга йўналтиради.
