АҚШ президенти Дональд Трамп Оқ уйга келувчилар оқими туфайли уни “Марказий вокзал” деб атамоқда. Бу ҳақда NBC телеканали хабар берди.
Телеканал маълумотларига кўра, баъзи амалдорлар бу вазият туфайли юзага келиши мумкин бўлган ахборот сизишларидан хавотирланиб, асабийлашмоқда.
Маълум қилинишича, хавотирлар Оқ уй раҳбари ва ҳарбий қўмондонлик янги F-47 кўринмас қирувчи самолётини муҳокама қилаётган пайтда юзага келган. Тўсатдан йиғилиш ўртасида Америка раҳбари ҳузурига Мета компанияси раиси Марк Цукерберг кириб келган. Амалдорлар Цукербергдан унинг махфий маълумотларга рухсати йўқлиги сабабли ташқарида кутиб туришни сўрашгани. Учрашув давомида ёш ёрдамчи ҳам хонага кириб, Трампга ноутбукида ниманидир кўрсатган ва чиқиб кетган. Шу орада Америка президентининг телефони бир-икки марта жиринглаган.
Телеканал таъкидлашича, ёрдамчилар Трампни йиллар давомида интизомга ўргатишга уринишган, бироқ тўлиқ муваффақиятга эриша олишмаган. NBC маълумотларига кўра, вазирлар кўпинча Оқ уйда бекорга айланиб юришади, идора раҳбарлари эса 30 дақиқалик ташриф ўрнига бир неча соатлаб қолиб кетишади.
Оқ уйнинг юқори мартабали амалдорининг айтишича, Трамп Овал хонани меҳрибонлик билан Grand Central Terminal деб атайди. Чунки у ерга кўплаб одамлар келиб-кетиб туради. Самолёт билан боғлиқ қишки учрашувдан хабардор бўлган шахслардан бири эса бу вазиятни “ғалати дунё” деган бошқача ибора билан таърифлаган.
Агар сиз табиий офатларга тайёргарлик бўйича йиғилишда бўлсангиз ва кейинги йиғилиш бошқа мавзуга бағишланган бўлса ҳам Трамп “Қолаверинг”, дейди, дея таъкидлади президент маъмуриятининг юқори лавозимли ходими.
