Испаниялик чап қанот ҳимоячиси Альваро Каррерас “Бенфика”дан “Реал Мадрид” сафига ўтиши кутилмоқда. Бу ҳақида АС нашри хабар бермоқда.
Маълумотларга кўра, 22 ёшли футболчининг трансфери 40–50 миллион евро атрофида бўлиши кутилмоқда. Боиси, “Бенфика” футболчи учун 40 миллион евро миқдорида минимал нарх белгилаган.
Қизиғи шундаки, ўтган мавсум аввалида “Манчестер Юнайтед” Каррерасни Лиссабон клубига сотиб юборганди. Манкунианликлар уни қайтариб олиш ҳуқуқига эга эди, аммо улар “Реал”дан бўлаётган таклифдан сўнг фикрини ўзгартирди. Шунингдек, “қизил иблислар” ва “Бенфика” ўртасида тузилган шартномада кейинги трансфердан маълум миқдорда сумма инглиз клубига ажратилиши борасида банд киритган. Шу боис манчестерликлар Каррарес трансферидан 18 миллион евро даромад қилиши мумкин.
Эслатиб ўтамиз, Альваро Каррерас фаолиятининг дастлабки йилларида “Реал Мадрид” академиясида тўп сурган. Кейинчалик “Манчестер Юнайтед” сафига эркин агент бўлиб қўшилган эди.
Ўтган мавсум Альваро Португалия чемпионати доирасидаги 32 та учрашувда майдонга тушиб, 3 та гол ва 1 голли узатма муаллифига айланган.
