Франция президенти Эммануэл Макрон Украинага хорижий қўшинларни жойлаштириш ғоясини қўллаб-қувватлади. Сиёсатчи юборилиши кутилаётган ҳарбийлар сонини очиқлади. Бу ҳақда у Le Parisien нашрига берган интервьюсида айтиб ўтди.
Макроннинг сўзларига кўра, Украинага хорижий қўшинлар Россия билан ҳарбий ҳаракатлар тўхтатилгандан кейин юборилади. Бу вазиятни барқарорлаштириш учун зарурдир.
Шуни тушуниш керакки, авторитет сонга боғлиқ эмас. Бугунги кунда Европадаги энг катта армия Украина армияси бўлиб, унга бир миллион аскар сафарбар қилинган. Бошқа ҳеч бир қўшин бунчалик кўп одамни тўплай олмайди. Асосийси, Украинада қўшинлар бор, деди у.
Франция президенти келажакда Украинада жойлаштирилиши мумкин бўлган хорижий ҳарбийлар сони ҳақидаги саволга шундай жавоб берди:
Бу бир неча минг бўлиши мумкин, лекин бир неча юз минг эмас…Гап миқдорда эмас. Гап шундаки, биз у ерда иккинчи мудофаа чизиғи каби ҳавода ёки фронт чизиғидан узоқда жойлашган стратегик нуқталарда қўллаб-қувватлашни таъминлаш учун бўламиз. Энг аввало, бирдамликни намойиш этиш учун ўша ерда бўламиз, дея таъкидлади Макрон.
30 га яқин давлатни бирлаштирган “кўнгиллилар коалицияси”нинг олти давлати тинчликпарварлик миссияси доирасида Украинада ўз қўшинларини жойлаштиришга тайёрлиги ҳақида хабар берилганди. Улар қаторида Франция, Британия ва Болтиқбўйи давлатлари бор. Россия Украинага хорижий ҳарбийлар жойлаштирилишига қаршилик қилиб келмоқда.
