“Ливерпуль” ҳужумчиси Муҳаммад Салоҳ ҳамда ҳимоячи Виржил ван Дейк жамоа билан шартномани узайтиради. Бу ҳақда таниқли футбол инсайдери Фабрицио Романо хабар берди.
Таъкидланишича, Салоҳ янги шартнома имзолашга яқин. Виржил ван Дейк билан ҳам шартнома тез орада узайтирилиши кутилмоқда.
“Трент Александер-Арнольд эса ”Реал“га ўтишга яқин”, – деб ёзган Романо.
Маълумот учун, айни вақтда АПЛда “Ливерпуль” жамоаси 73 очко билан пешқадам бўлиб турибди. Энг яқин таъқибчиси ҳисобланган “Арсенал”дан 11 очкога илгарилаб кетган.
