“Ливерпуль” ҳужумчиси Муҳаммад Салоҳ клуб билан шартномасини узайтириш бўйича музокараларни бошлади. Бу ҳақда El Nacional нашри хабар бермоқда.
Манбага кўра, Салоҳ ҳали ҳам Европанинг энг нуфузли совринлари учун кураша оламан,дея ҳисобламоқда. Шунингдек, бош мураббий Арне Слотнинг унга бўлган ишончи мисрлик футболчини кетиш ҳақидаги қарорини қайта кўриб чиқишга мажбур қилган.
Шу билан бирга, Саудия Арабистони клублари ёзда Салоҳни қўлга киритиш ҳаракатини тўхтатгани йўқ. Улар унга уч йил учун 200 миллион евродан ортиқ маош таклиф қилишга тайёр.
Ҳозирда футболчининг шартномаси 2025 йил 30 июнга қадар амал қилади. Шунга қарамай, “Ливерпуль” уни жамоадан кетишга йўл қўймаслик учун яхшиланган янги битим таклиф қилишни режалаштирмоқда.
Маълумот учун, 32 ёшли Салоҳ жорий мавсумда 36 ўйинда 28 та гол ва 19 та голли узатма қайд этди. Transfermarkt портали футболчининг бозор қийматини 55 миллион еврога баҳолаган.
