Ўзбекистон Суперлигаси 4-тури доирасидаги “Сўғдиёна” — “Пахтакор” учрашуви якунига етди. Қизиқарли кечган баҳсда жиззахликлар 2:0 ҳисобида ғалаба қозонди.
Учрашувнинг дастлабки таймида мухлислар гол кўришмади. Лекин иккинчи тайм бошида Жиззах клуби футболчилари кетма-кет икки марта “Пахтакор” дарвозасини ишғол қилди. Дастлаб 46-дақиқада Люпчо Дориев ҳисобни очган бўлса, 52-дақиқада Лука Жоржевич “бўрилар”нинг ўйиндаги иккинчи голини киритди.
Ушбу ҳисоб учрашув охиригача ўзгармади ва “Соғдиёна” мавсумдаги илк ғалабасини қўлга киритди.
Ўзбекистон Суперлигаси
4-тур
“Сўғдиёна” — “Пахтакор” 2:0
Голлар: 1:0 — Дориев (46), 2:0 — Жоржевич (52)
