УЕФА Миллатлар Лигаси 2024/25 йилги мавсум чорак финал доирасида Дания — Португалия баҳсида мезбонлар 1:0 ҳисобида ғалаба қозонди. Учрашувдаги ягона гол Расмус Ҳойлунд томонидан киритилди.
У дарвозани ишғол қилгач, голни рақиб футболчиси Криштиану Роналду каби нишонлади. Португалиялик ҳужумчи ушбу ҳолатга ўз муносабатини билдирди.
Буни муаммоли жойи йўқ. У менга нисбатан ҳурматсизлик қилмади. Мен буни тушунадиган даражадаги ақлли инсонман. Нафақат Расмус, балки дунёдаги кўплаб спортчилар ғалабали онларини худди мен каби нишонлайди. Бу мен учун шараф, умид қиламанки, у жавоб баҳсида гол нишонлашнинг ҳақиқийсини кўради, дея Роналдунинг сўзларини келтиради Фабрицио Романо.
Маълумот учун, ушбу жамоалар ўртасидаги жавоб баҳси 23 март, якшанба куни бўлиб ўтади. Учрашув Тошкент вақти билан тунги 00:45 да бошланади.
